Cartografia

Er airau de Sistèmes d’Informacion Geografica (SIG) deth departament de Naues Tecnologies dera Deputacion de Lhèida, en marc des sues competéncies territoriaus, procedic ara digitalizacion des zònes urbanes e possiblament urbanizables des comarques de Lhèida, Naut Pirenèu e Aran, damb era fin de dotar es municipis dera informacion cartografica entàs prètzhèts de gestion e analisi qu’age de besonh, atau coma sostier e assessorar tecnicament es municipis enes encastres dera cartografia e des SIG aplicada en encastre municipau.

Es objectius principaus son:

• • Omogeneïzar e armonizar es cartografies municipaus, entà assegurar era elaboracion d’estudis territoriaus supramunicipaus.
  • Dotar eth mon locau d’ua informacion cartografica e territoriau actualizada fiabla e operativa entàs prètzhèts d’analisi, planificacion e gestion.
  • Sostier e assessorar tecnicament es comarques de Lhèida, Naut Pirenèu e Aran enes encastres dera cartografia e es Sistèmes d’Informacion Geografica (SIG) municipau.
  • Gerir un hilat territoriau municipau damb objectius SIG comuns, entà potenciar er escambi d’experiéncies e eth profitament de recorsi.
  • Gerir era infrastructura de Donades Espaciaus des comarques de Lhèida, Naut Pirenèu e Aran (IDELleida), que permet integrar e méter ath servici des persones era informacion geografica des comarques.

Era Deputacion de Lhèida ei era responsabla dera IDE locau des comarques de Lhèida, Naut Pirenèu e Aran.

Ua IDE (Infrastructura de Donades Espaciaus) ei un sistèma informatic integrat per un conjunt de recorsi (catalògs, servidors, programes, donades, aplicacions, pagines web…) dedicadi a gerir informacion geografica (mapes, ortofotos, imatges de satellit, toponims…), disponibles en Internet, que complissen ua sèria de condicions d’interoperabilitat (nòrmes, especificacions, protocòus, interfícies…) que permeten qu’un usatgèr, damb er emplec d’un simple navigador, pogue utilizar-les e combinar-les segons es sòns besonhs.

Es elements basics d’ua IDE son:

• Donades. Informacion geografica de basa e/o tematica.

• Metadades. Descriptors des donades (data dera cartografia, format, proprietari, eca.). Era nòrma que regule es metadades dera informacion geografica ei era ISO19115 “Geographic Information – Metadata”.

• Servicis. Foncionalitats que s’aufrissen as usatgèrs e que son accessibles mejançant un navegador web. Aguestes foncionalitats s’organizen en servicis de visualizacion de mapes, descarga, consulta, eca. Er organisme d’estandardització mès importanta en aguest encastre ei er OGC (Open Geospatial Consortium).

• Organizacion. Includís es recorsi umans, era estructura organizativa, es estandards e nòrmes que hèn qu’es sistèmes poguen interoperar, leis coma era Directiva Europèa INSPIRE, nòrmes e acòrds entre es productors de donades, eca. Ei eth compausant mès complèx e çò que hè qu’era rèsta foncione e se mantengue.